Preke (direkte uitsending)

NG Moedergemeente George Ererdiens Tema: Bekering; Wensreep of wegspringplek Skriflesing: Hebreers 5:11-6:3 Liturg: Dr Andre Pieterse
Geredigeerde Erediens 13 September 2026
Moedergemeente George Bevestiging van Ds Nadine Bronkhorst 06 September 2026 Teks : 1 Kor 2: 1 - 5 Tema : Geheimnisvolle Waarheid van God. Liturg : Ds Nadine Bronkhorst Musiek ekening Dr Gerrit Jordaan
Erediens - 06 September 2026: Bevestiging van Ds Nadine Bronkhorst
Bybelskool 02 September 2026 Dr Steve van der Walt Spreuke 19:1-29 – Integriteit in alles Een van die vreugdes van die boek Spreuke is dat elke vers eintlik ‘n preek op sy eie is. Elke spreuk maak vir jou ‘n wêreld van gedagtes oop om te ontgin. Die spreuke vervul daarmee dieselfde funksie as die gelykenisse van die NT, wat waarhede op ‘n pittige en stimulerende manier deel van jou lewe maak. Die kernwaarheid van elke spreuk in hierdie hoofstuk kan ons as volg probeer vasvat: • Integriteit (opregtheid) het meer waarde as rykdom – vers 1. • Jy kan nie opmaak vir ‘n gebrek aan kennis met jou spoed of energie nie – vers 2. • Jy kan nie God blameer vir jou eie dwaasheid nie – vers 3. • Welvarendes het meer vriende as armes – vers 4. • ‘n Gebrek aan integriteit kan jou duur kos in ‘n hofsaak – vers 5,9 (amper identies). • Almal wil voordeel trek uit ander se mag en vrygewigheid – vers 6. • ‘n Arm man se vriende word beïnvloed deur sy familie se mening oor hom – vers 7. • Wysheid is ‘n persoonlike bate – vers 8. • Weelde en ‘n posisie van mag pas nie by ‘n dwaas (dom of astrante persoon) nie – vers 10. • Dit is verstandig om jou humeur te beteuel en vergewensgesind te wees – vers 11. • ‘n Koning se buie bepaal jou ervaring – vers 12. • ‘n Dom-astrante seun en ‘n twisgierige vrou kan ‘n man knak – vers 13. • ‘n Verstandige vrou is God se erfporsie aan jou – vers 14. • Luiheid lei tot lusteloosheid en honger – vers 15. • Gehoorsaamheid aan God ly tot ‘n oorvloedige lewe – vers 16. • Deernis met arm mense word deur God beloon – vers 17. • ‘n Streng opvoeding bring hoop, maar moenie oorboord gaan daarmee nie – vers 18. • Om ‘n opvlieënde mens te help, word baie gou ‘n konstante verantwoordelikheid – vers 19. • Wysheid kom deur te luister na raad – vers 20. • Jou planne kan nie God se besluite verander nie – vers 21. • Wees versigtig dat jou begeertes jou nie tot bedrog verlei nie – vers 22. • Ontsag vir die Here bring rus en beskerming – vers 23. • Luiheid lei tot lyding – vers 24. • Sterk optrede (klap) teen ‘n respeklose mens (ligsinnige) is ‘n les vir onervarenes sowel as verstandiges – vers 25. • Mishandeling en verstoting van jou ouers is skaamteloos en veragtelik – vers 26. • Luister na raad word net ‘n bate as jy iets positiefs daarmee doen – vers 27. • Kwaadwillige getuies dwarsboom die reg – vers 28. • Respeklose mense verdien straf en slae – vers 29. Dit
Bybelskool - 02 September 2026
Moedergemeente George Erediens 30 Augustus 2026 Tema: God skryf ‘n storie Teks: - Genesis 1: 1-31 Liturg: Dr Nico van der Westhuizen Musiek ekening Dr Gerrit Jordaan
30 Augustus 2026
Bybelskool 26 Augustus 2026 Dr Sreve van der Walt Spreuke 18:1-24 – Kommunikasie maak saak Hierdie hoofstuk van Spreuke lê baie klem op die waarde van woorde, maar dan meer spesifiek in terme van die kommunikasie patrone wat dit vestig. Kommunikasie maak saak! Dit kan soos diep waters wees, ‘n bron van wysheid (vers 4) óf dit kan rusie veroorsaak (vers 6,) en jou eie (vers 7,13) en ander (vers 3,5,8) se ondergang beteken. Hier is ‘n opsomming van die inhoud van die verse – ‘n bietjie meer prosaïes as wat dit in die NAV vertaling is – dit help om ons om begrip van die teks neer te pen. • Wysheid lê in oorlegpleging opgesluit – vers 1. • Insig versus eie opinie – vers 2. • Krenkende optrede en belediging gaan saam met goddeloosheid – vers 3. • Daarteenoor kan die woorde van ‘n mens diep waters wees, ‘n bruisende stroom, ‘n bron van wysheid – vers 4. • Dit is nie goed om partydig te wees vir die skuldige en so die onskuldige sy reg te ontsê nie – vers 5. • Dit is net ‘n dwaas wat homself in ‘n rusie inpraat. Hy soek as’t ware slae met wat hy sê – vers 6. • ‘n Dwaas word tot se eie ondergang verstrik in sy eie woorde – vers 7. • Skinderstories word só maklik geglo – vers 8. • Nalatigheid en verval is tweelingbroers – vers 9. • God beskerm die regverdige wat hy Hom skuil – vers 10. • Besittings word as beveiliging gesien deur ryk mense – vers 11. • Selfverheffing lei tot ineenstorting, en nederigheid tot eer – vers 12. • Dit is dwaas om te antwoord voor jy weet wat die vraag is. Dit lei tot skande – vers 13. • Lyding kan net met moed getroef word. As jy moed verloor, kry jy dit moeilik terug – vers 14. • Die soeke na wysheid vermeerder jou kennis – vers 15. • Geskenke gee jou toegang tot magtiges – vers 16. • Onskuld blyk eers ná ondersoek – vers 17. • Vra die Here om uitsluitsel te gee wanneer rusies besleg moet word, en sterk mense uitmekaar gemaak moet word – vers 18. • Verontregting en rusie laat selfs jou familie teen jou draai – vers 19. • Die regte woorde kan jou maag vol maak – vers 20. • Woorde maak saak. Dit beteken dood of lewe – vers 21. • ‘n Maat is ‘n geskenk van God – vers 22. • Jou welvaart bepaal jou vriendelikheid – armes pleit, rykes antwoord skerp – vers 22. • Maats kan jou maak of breek – vers 23. Kommunikasie maak saak Let op dat die verse kommentaar lewer op ‘n wye reeks van kommunikasie gebeure. Dit kan in vier kategorieë opgedeel word: Persoonlike kommunikasie • Moenie jouself afsluit van ander nie: Selfsug weerhou jou van oorlegpleging en sluit jou af van die gemeenskap (vers 1,2). Dit kan een van die groot oorsake wees van eensaamheid, dat ‘n mens doelbewus jou afsluit van ander en hulle raad, en in die proses jou die broodnodige kontak met ander ontneem. Stel jou bloot aan ander se idees. Jou lewe kan daarvan afhang. • Moenie moed verloor nie: Dit is ‘n ongelooflike belangrike woord. ‘n Mens se selfgesprek kan jou vorentoe vat, of tot stilstand ruk. Dit is waarom God self klem daarop lê in sy gesprek met Josua net voor hy die volk in die beloofde land moes inlei: “Wees sterk, wees vasberade” (Jos 1:9). Sy interne gesprek, sy gesprek met homself, moet positief wees. En die Here koppel dit nogal aan die lees van die Woord, dié deel wat Josua toe al beskikbaar gehad het (Jos 1:8). Vir Gideon sê die Here selfs: “Die Here is by jou, dapper man!” (Rigt 6:12). Dapper was hy nie op daardie stadium nie. Hy het weggekruip vir die vyand. Maar hierna, met die woord wat die Here oor hom uitspreek, is hy dit wel, beïnvloed dit sy interne selfgesprek, en het hy die moed om die pyn van die veldtog te vat. • Moenie nalatig wees in jou werk nie: Kom ons rek die verstaan van die vers só ‘n bietjie! Wat lees ons in vers 9? Dat ‘n mens versigtig moet wees vir nalatigheid, want dit breek alles af. Dit is dus deel van die selfgesprek wat jy met jouself van tyd tot tyd moet hê. 3 Interpersoonlike kommunikasie • Bring God in berekening: Deur God nie in berekening te bring nie, loop ‘n mens maklik die pad van krenkende optrede, en belediging (vers 3). Dit bly interessant hoe Spreuke raakvat dat wanneer jy respek verloor vir God, jy gewoonlik nie ver daarvandaan is om jou respek vir ander ook te verloor nie. Uiteraard is dit ‘n oorbeklemtoning van die saak, maar iets wat ‘n mens in die praktyk van die lewe kan waarneem. Die omgekeerde is natuurlik ook waar, dat as jy respek verloor vir jou naaste, is dit moeilik om jou respek vir God vol te hou. •
Bybelskool - 26 Augustus 2026
Moedergemeente George Erediens 23 Augustus 2026 Reeks: Die lewe is soos 'n uie Tema: Oorwinnaars in 'n verwikkelde wereld Teks: Efesiërs 6: 10-20 Liturg: Dr André Pieterse Musikante erkenning Dr Gerrit Jordaan - orrel Magriet Venter - klavier Selmarie Jansen van Rensburg - viool 1 Elise Burger - viool 2 - viool 3 Theandri Pieterse - kitaar Hennie Venter - baskitaar - dwarsfuit - fluit
Erediens - 23 Augustus 2026
Bybelskool 20 Augustus 2026 Dr Stewve van der Walt Spreuke 17:1-28 – Verhoudings maak saak1 Hierdie hoofstuk kan nie so maklik in temas ingedeel word as hoofstuk 16 nie. Dit lyk op die oog af na ‘n paar losstaande gedagtes. Daarom het ek probeer om die tekste eers in my eie woorde op te som om die betekenis my eie te maak. Daarna het ek begin om vir patrone en temas te kyk en ‘n paar tekste met mekaar te probeer verbind. Toe het ek probeer om sin te begin maak van die geheel van die tekste. En my verrassing was groot om in ‘n oënskynlik losstaande klomp verse ‘n diepsinnige deurlopende tema te vind. Reg aan die einde het ek ‘n teks gekies, wat hierdie tema – verhoudings maak saak – vir my die beste uitdruk, om oor na te dink met die Lectio Divina manier. Betekenisse Hier is ‘n lysie van betekenisse weer (met die verbintenisse met ander tekste in hakies: • Gebrek en vrede is verkieslik bo oorvloed en getwis – vers 1 (vgl vers 14,19). • Wysheid maak selfs slawe deel van die familie – vers 2 (vgl vers 6,21,25). • God toets die gesindheid (harte) soos silwer en goud gelouter word – vers 3. • Jou ingesteldheid bepaal waarna jy luister. Waarna jy luister wys wat jou ingesteldheid is – vers 4. • Jou perspektief oor arm mense en ongelukvoëls sê ten diepste wat jy van God dink – vers 5. • Familielede wil graag trots wees op mekaar – vers 6 (vgl vers 2,21,25). • Jou statuur bepaal wat mense by jou soek – vers 7. • Omkoopgeskenke het towerkrag – vers 8 (vgl vers 23). • Jou houding teenoor mense bepaal hoe jy hulle foute gaan hanteer. Dié met wie jy goeie verhoudinge wil handhaaf, se foute sien jy oor. Dié wat jy wil bykom, se foute haal jy aanmekaar op – vers 9. • Verstandige mense is meer sensitief vir dreigemente as dwase – vers 10. • Die kwaad van ‘n slegte mens haal hom in – vers 11 (vgl vers 13). • ‘n Dwaas se sotheid is wreed en gewelddadig – vers 12. 1 Met dank aan Chris van Wyk (Bybelskool.com) 2 • Selfs jou huis ly daaronder wanneer jy goed met kwaad vergeld – vers 13 (vgl vers 11). • Staak getwis voor dit jou meesleur soos ‘n damwal wat breek – vers 14 (vgl vers 1,19). • God hou nie van onreg in die regspraak nie – vers 15. • ‘n Dwaas kan nie wysheid bekom nie, selfs al probeer hy daarvoor betaal – vers 16. • Jy kan op vriende se liefde staatmaak. Familie staan jou by in nood – vers 17. • Borgstaan vir skuld is dom – vers 18. • As jy aanstoot wil gee, soek jy rusie. As jy jouself verhef bo ander, gaan jy seerkry – vers 19. • Valsheid vernietig voorspoed – vers 20. • ‘n Dwase en ongemanierde kind bring hartseer vir ‘n ouer. Dit suig die vreugde uit jou lewe uit – vers 21 (vgl vers 2,6,25). • Vrolikheid maak gesond en omgekeerd – vers 22. • Omkoopgeskenke is goddeloos en onregverdig. Dit dwarsboom die regstelsel – vers 23 (vlg vers 8). • ‘n Soeke na wysheid bring doelgerigtheid – vers 24. • ‘n Onverstandige kind is vir sy ouers ‘n ergernis en bitter verdriet – vers 25 (vgl vers 2,6,21). • Selfs ‘n ligte straf vir ‘n onskuldige (boete) en ‘n onvanpaste straf vir ‘n mens in aansien (lyfstraf), is onregverdig – vers 26. • Wyse mense loop nie te koop met hulle kennis nie, en bly kalm – vers 27 (vgl vers 28). • Stilbly kan selfs ‘n dwaas na ‘n wyse laat lyk – vers 28 (vgl vers 27). Patrone en temas Let op die tekste wat gemerk is sodat dit aspekte van dieselfde saak aanraak : • Twis en rusie – vers 1,14,19. • Familiewees – vers 2,6,21,25. 3 • Omkoopgeskenke – vers 8,23. • Onregverdige vergelding – vers 11,13. • Stilbly en kalmte – vers 27,28. Geheelbeeld: Spreuke 17 gaan oor verhoudings As ‘n mens al die tekste oorhoofs probeer beskou, is dit alles oor verhoudings en die wyse waarop jy met ander omgaan. • Familieverhoudings (vers 2,6,21,25), • Gesinsverhoudings (vers 2,6,17,21,25), • Huweliksverhoudings (vers 1), • Werksverhoudings (vers 2), • Regsverhoudings (vers 8,15,18,20,23,26), • Vriendskapverhoudings (vers 9,17), • Gemeenskapsverhoudings (vers 5,7,11,12,13,16,19,24,27,28) • sowel as jou verhouding met jouself (vers 22). Hoewel gemeenskapsverhoudings in al die tekste geplaas is wat nie in ‘n ander kategorie gepas het nie, gee dit ‘n opsomming van die onderskeie houdings wat dié tekste aanbeveel teenoor die gemeenskap, ‘n navolgenswaardige voorbeeld: • Die volgende houdings getuig van wysheid in die gemeenskap: respek (5), waarheid praat (7), doelgerigtheid (24), kalmte (27) en stilbly (28). • Die volgende houdings getuig van die teendeel in die gemeenskap: kwaadwilligheid (11,13), sotlikheid (12), dwaasheid (16), rusiemaak (19), en doelloosheid (24). Dit beteken dat vers 3 eintlik ‘n kernvers in die gedeelte is: “dit is die Here wat die gesindheid (harte/gedagtes) toets” omdat ’n mens se ingesteldheid en houding teenoor ander die deurslag gee in jou verhoudinge met ander mense. Hy sien raak hoe jy dink oor ander (arm mense – vers 5; mense oor wie jy die mag het om hulle skuldig of onskuldig te verklaar – vers 15) en het ’n afsku as dit nie met respek en regverdigheid is nie.
Bybelskool - 20 Augustus 2026
Moedergemeente George Erediens 16 Augustus 2026 Preekreeks – Die lewe is soos ‘n ui… Tema: In die kerk slap jy met oop oë Teks: - Romeine 16: 17 - 20 Liturg: Dr André Pieterse Musiek erkenning Dr Gerrit Jordaan - orrel Liza Klopper - dwarsfluit
Erediens -16 Augustus 2026
Moedergemeente George Nagmaal 09 Augustus 2026 Preekreeks - God werk vandag! Glo jy dit? Tema: Onmoontlik staan nie in Gods se Woordeboek nie Teks: - 2 Konings 7: 1 - 20 Liturg: Dr André Pieterse Musiek ekening Dr Gerrit Jordaan Ooskaapse Kinderkoor
Erediens met Nagmaal - 09 Augustus 2026
Subscribe